QARIN GƏRMƏ NƏDİR?

İllər keçdikcə həddindən artıq kökəlmə və çəki atma  , hamiləlik kimi durumlar qarın nahiyəsində deformasiyalara, dərinin elastikliyinin azalmasına və zamanla sallanmasına səbəb olur.

Qarın əzələləri arasındakı toxumaların aşınması ilə qarın önə doğru əyilir və dəridə çatlar əmələ gəlir. Qarın dərisini olduğu bu görüntüdən qurtulmaq mümkündür.

Qarın gərmə əməliyyatı ilə insanın ehtiyacına uyğun olaraq dərinin daha dolğun və canlı görünməsi təmin edilir.

Gimnastika və masaj kimi texnikalardan istifadə etməklə sallanma qismən nəzarət altına alınsa da, bu arzu edilən görüntüyə çatmaq üçün kifayət etməyəcək. Qarın dərisinin sallanmasında qarın gərmə əməliyyatı qısa müddətdə aydın nəticə əldə etmək üçün ən qısa və qalıcı üsuldur. Nəticələr kifayət qədər uğurlu olur. Qarın gərmə boş və sallanmış dərinin çıxarılmasına və qarın dərisinin bərpasına əsaslanan əməliyyatdır. Abdominoplastika kimi də tanınır.

Əməliyyatın planlaşdırılması qarın bölgəsindəki piy, sallanma sahəsinin nisbəti və əzələlərin vəziyyəti müayinə zamanı plastik cərrahınız tərəfindən təyin olunacaq və sizə ən uyğun əməliyyat texnikası kombinasiyası tətbiq olunacaqdır.

QARIN GƏRMƏ ƏMƏLİYYATI KİMLƏRƏ EDİLİR?

Abdominoplastika qarın estetikasının pozulduğu, hamiləlikdən sonra və ya həddindən artıq kökəlmə və itki ilə görülə bilən sallanma və qırışlar əmələ gəlməsi kimi hallarda edilən əməliyyatdır. Ümumiyyətlə daha böyük yaşlarda bu əməliyyata üstünlük verilir. 18 yaşdan aşağı olanlara tövsiyə edilmir. Kişilər də, qadınlar da bu əməliyyatı edə bilər.

• Qarın nahiyəsi hamiləlik zamanı, sürətli kökəlmə və arıqlamadan sonra deformasiyaya uğrayır. Qarın divarını düz saxlayan əzələlər arasındakı toxumalar açılır, dəridə sallanma və çatlar əmələ gələ bilir. Bu vəziyyətlər qarın gərmə əməliyyatı ilə düzəldilə bilər.
• Qarın bölgəsində dərinin sallanması ilə yanaşı hələ də yağlanma varsa, eyni seansda qarın gərmə əməliyyatı ilə bir vaxtda tətbiq olunacaq liposaksiya ilə tam və təsirli nəticələr əldə edilə bilər. Əgər göbəyin yeri və ya forması insanı narahat edirsə, əməliyyat zamanı onun yeri və forması da dəyişdirilə bilər.
• Abdominoplastika əməliyyatı hər kəsə uyğun olmaya bilər. Siqaret çəkmək yaraların sağalmasını çətinləşdirə və anesteziya zamanı problem yarada bilər. Bu səbəblərdən əməliyyat üçün müraciət edəcək şəxsin bir müddət əvvəl siqareti tərgitməsi, həkiminin tövsiyələrinə əməl etməsi vacibdir.

Qarın gərmə əməliyyatı hər kəsə uyğun olmaya bilər.Gərmə  prosedurundan qısa müddət əvvəl böyük miqdarda çəki artımı və itki varsa tövsiyə edilmir. Qarın gərmə əməliyyatına müraciət etməzdən əvvəl arıqlamağa çalışmaq və qarındakı əzələ toxumasını gücləndirmək lazımdır.

İdman və arıqlamaq problemi həll etməzsə, cərrahiyyə əməliyyatı nəzərdə tutulur. Bədənə uyğun çəkidə olmaq da prosedur üçün vacibdir. Daxili orqanların yağlanmasının dayandırılması lazımdır.

Bundan əlavə, siqaret çəkənlərdə yaralar çətin sağalır və anesteziya zamanı problemlər yarana bilər. Ona görə də cərrahi əməliyyat üçün müraciət edəcək şəxs bir müddət əvvəl siqareti tərgitmiş olmalıdır.

Eynilə, diabet yaraların sağalmasına mənfi təsir göstərir. Hamiləlik qarın nahiyəsini deformasiya uğratdığı üçün hamiləlikdən sonra bu əməliyyatın edilməsi qalıcılıq üçün vacibdir.

QARIN GƏRMƏ ƏMƏLİYYATI NECƏ EDİLİR?

Qarın gərmə əməliyyatı orta hesabla üç saat çəkir. Dəridə və qarını düz saxlayan əzələlərdə boşalma və ya sallanma varsa, artıq dəri çıxarılır, qarın divarı yığılaraq tikilir.

Qarındakı piyləri çıxarmaq lazımdırsa, əməliyyata liposaksiya da əlavə oluna bilər. Liposaksiya tətbiq olunacaq nahiyənin ölçüsü xəstənin ehtiyaclarına uyğun olaraq planlanır. Əgər xəstə göbək dəliyinin yerləşməsindən razı deyilsə, bu da əməliyyat zamanı düzəldilə bilər.

Həkiminiz əməliyyat kəsiyinin qarnın alt hissəsində, alt paltarı ilə gizlədilə biləcəyinə diqqət yetirəcəkdir. Əməliyyatın sonunda nahiyəyə sistem qoşula bilər. Əməliyyatdan sonra bir müddət korsetdən istifadə etmək lazımdır. Bu, zəif əzələləri və dərini qorumaq üçün vacibdir.

Qarın gərmə əməliyyatında xəstəyə və sallanma vəziyyətinə görə anesteziya növü dəyişir. Çox kiçik bir sahəyə müdaxilə ediləcəksə, lokal anesteziya istifadə edilə bilər. Çox zaman ümumi anesteziya istifadə olunur.

Xəstənin sağlamlıq vəziyyəti də anesteziya formasına təsir göstərir. Ümumi anesteziya keçirən xəstələr əməliyyatdan sonra bir gecə xəstəxanada qalmalıdırlar.

QARIN GƏRMƏ ƏMƏLİYYATININ RİSKLƏRİ VƏ YAN TƏSİRLƏRİ

Qarın gərmə bütün digər cərrahi əməliyyatlar kimi bəzi risklər daşıya bilər. Düzgün və təcrübəli həkim seçməklə bu risklər minimuma endirilir.

Qarın gərmə əməliyyatından sonra dəri altında mayenin yığılma ehtimalı var. Bu vəziyyətin qarşısını almaq üçün cərrahınız sistemdən istifadə edə bilər.

Sistemlər adətən ertəsi səhər evə buraxılmazdan əvvəl çıxarılır. Hər əməliyyatın risklərindən biri olan laxtalanma riski qarın gərmə əməliyyatında da yaşana bilər. Gənc yaşlarda nadir hallarda müşahidə olunur.

Bu riskin qarşısını almaq üçün dərman qəbul etməyə başlana və bir müddət varis corabları istifadə edilə bilər. Siqaret çəkən xəstələrdə yaraların sağalmasına mənfi təsir göstərə biləcəyi və çapıq əmələ gəlməsinə səbəb ola biləcəyi nəzərə alınmalı və əməliyyatdan ən az bir həftə əvvəl siqaret çəkilməsi dayandırılmalıdır. Yaranın yerinin infeksiyaya məruz qalmaması üçün həkiminizin təyin etdiyi antibiotik müalicəsini gecikdirməyin və müntəzəm sarğılarınızı etdirin.

QARIN GƏRMƏ ƏMƏLİYYATININ SAĞALMA VƏ TƏSİR MÜDDƏTİ

Qarın gərmə əməliyyatının qalıcılığı daha çox xəstənin əməliyyatdan sonra yenidən çəki almasından və hamilə olmasından asılıdır.

Hamiləlik və həddindən artıq çəki artımı kimi vəziyyətlər müalicə olunan bölgəni yenidən deformasiya edə bilər. Buna görə də, hamiləlik nəzərdə tutulursa, əməliyyat hamiləlik doğuşla nəticələnənə qədər təxirə salınmalıdır.

Qarın gərmə əməliyyatından sonra sağlam qidalanma və nizamlı idmana diqqət yetirərək, mümkün ola biləcək yağlanmadan qaçınılmalıdır.

Qarın gərmə əməliyyatından bir gün sonra xəstə yeriyə bilir, lakin bir neçə gün irəli əyilərək yeriməsi məsləhət görülür.

Bu müddətdə yüklərin qaldırılmasından qaçınmaq lazımdır. Əməliyyatın ertəsi günü qoşulan sistemlər çıxarılır. Sistemlər götürülənə qədər duş qəbul etməmək və nahiyəni islatmamaq lazımdır.

Xəstə sağalma dövründə üç-altı həftə korset taxmalıdır. Korset zəifləmiş əzələlərin və dərinin bərpası üçün lazımdır. Xəstə həkimə müraciət etdikdən bir ay sonra yüngül məşqlərə başlaya bilər, lakin ağır idman növləri üçün altı ay gözləmək lazım gələ bilər.

Əməliyyatdan sonra xəstə bir həftə sonra iş həyatına qayıda bilər. Əməliyyatdan sonra sağlam qidalanma sağalmanı sürətləndirir.

DİQQƏT EDİLMƏLİ OLANLAR

Qarın gərmə əməliyyatlarından əvvəl və sonra sağalmanın problemsiz başa çatdırılması üçün diqqət yetirilməli olan məqamları aşağıdakı kimi sıralamaq olar:

• Əməliyyat risklərini azaltmaq üçün əməliyyatdan bir müddət əvvəl siqareti tərgitmək lazımdır.
• Artıq çəki riskləri artırır və əməliyyatın müvəffəqiyyətini azaldır.Mümkün və lazım olduqda əməliyyatdan əvvəl arıqlamaq lazımdır.
• Əməliyyatdan əvvəl allergiya və istifadə olunan dərmanlar barədə həkiminizə məlumat verməlisiniz.
• Qan durulaşdırıcı dərmanlara həkiminizin nəzarəti altında ara verilməlidir.
• Korsetin istifadəsi həkiminizin tövsiyə etdiyi müddət ərzində fasiləsiz istifadə edilməlidir.

• Əməliyyatdan sonra bəzi hərəkətlər məhdudlaşdırılmalı və ağır yüklər qaldırılmamalıdır. Diqqətli şəkildə yanaşılan və həkiminizin tövsiyələrinə əməl edilən bir sağalma prosesi həmişə daha rahat olacaq.