Saç mezoterapiyası

Saç mezoterapiyası nədir? Necə tətbiq olunur?

Bu gün saç tökülməsi kişi və ya qadın olaraq ayrılmayan hər kəsə təsir edə biləcək bir problemdir, buna görə də saç tökülməsinin qarşısını almaq və müalicə etmək üçün hər gün yeni tibbi yollar hazırlanır.

Bu yeniliklərin və həllərin ən təsirli və uğurlu tətbiqlərindən biri olan mezoterapiya üsulu ilə saç tökülməsi dayandırıla, saçlar sağlam saxlanıla, mövcud saçların qalıcılığı artırıla bilər.

Niyə saç mezoterapiyası?

Bu üsul hormonal və genetik saç tökülmələrində dəstəkləyici müalicə olaraq istifadə edilə bilər.

Mezoterapiya üsulunda tətbiq olunan maddə insanın ehtiyaclarına uyğun olaraq planlanıla bilər.

Saçların inkişafı üçün lazım olan çatışmazlıqları aradan qaldırmaq üçün tətbiq edildiyi üçün daha dolğun, həcmli və parlaq saçlara sahib olmağa imkanverir.

Mezoterapiyada çatışmayan maddələr kiçik dozalarda birbaşa saç kökünə köçürülür. Çox az yan təsirləri var. Bununla belə, olsa belə çox qısa müddətdə keçir. Uzunmüddətli yan təsirləri yoxdur.

İstifadə olunan dərmanlar bölgəsəl və kiçik dozalarda tətbiq olunur. Saç mezoterapiyasının nəticələri çox sürətlidir və effektiv müalicə üsuludur.

Saç tökülməsi problemi olan gənclərə tətbiq etməyin heç bir zərəri yoxdur. Saç mezoterapiyası saç tökülməsi problemi olan, saçları seyrək olan insanlara məsləhət görülür. Bu müalicələr sayəsində zəifləmiş saç kökləri yenilənir, canlanır və saç kökləri güclənir.

Saç mezoterapiyası necə tətbiq olunur?

Mezoterapiya texnikası kliniki müalicələr arasında ən çox istifadə edilən müalicə üsullarından biridir. Saç termoterapiyası və xüsusi baş masajı ilə tətbiq edilməli bir üsuldur.

Saç termoterapiyasında olduğu kimi saçlar ozonlanmış buxarla yumşaldılır və mezoterapiyaya uyğunlaşdırılır. Buna görə də baş dərisinin ağrı hissi azalır. Saç termoterapiyası olmadan tətbiq edilən saç mezoterapiyasının daha ağrılı bir prosedur olduğu klinik tədqiqatlar nəticəsində sübuta yetirilmişdir.

Termoterapiya prosesindən sonra saçın strukturunda vitaminlər, minerallar, keratolitik maddələr, minoksidil, qan dövranını gücləndirən və lokal anesteziyadan ibarət xüsusi qarışım yaradılır. Bu qarışım saç mezoterapiya tapancasına köçürülür.

Saç mezoterapiya tapancası kompüter tərəfindən idarə olunur. Tapancanın tətbiq olunacağı sahə və yeridiləcək dərmanın dozası tənzimlənir.

Bu yolla dozanın həddi tənzimlənir  və dərman lazımi nahiyəyə köçürülür. Bütün bu düzəlişlər edildikdən sonra dərman tapanca ilə baş dərisinə paylanır.

Saç mezoterapiyası hansı hallarda tətbiq olunur?

• Stressin səbəb olduğu saç tökülmələrində,
• Mövsümi saç tökülmələrində,
• Metabolik səbəbli saç tökülmələrində,
• Alopecia Areata (Ocaqlı dazlıq),
• Saçqıranlarda,
• Genetik olaraq kişi tipi saç tökülməsində,
• Hamiləlikdən sonra ani saç tökülmələrində də çox təsirlidir.
• Bütün digər səbəblərdən baş verən saç tökülmələrində də tətbiq edilir.

Saç mezoterapiyası ağrılı üsuldurmu?

Tətbiq zamanı insanın sızı və ya ağrı hiss etməsi mümkün deyil. Bu səbəblə ehtiyac duyulan hər yaş qrupuna tətbiq oluna bilən çox müvəffəqiyyətli nəticə verən bir üsuldur.

Saç mezoterapiyası neçə seansda tətbiq olunur?

Saç mezoterapiyası seans başına tətbiq olunan müalicə üsuludur. Hər seans təxminən 40 dəqiqə çəkir. İlk 4 seans həftədə bir dəfə, son 4 seans isə on beş gündə bir dəfə tətbiq olunur. Seanslar arasındakı vaxt intervalı; İlk 4 seansda 11 gün və son 4 seansda 22 gün. Daha sonralar isə aylıq intervallarla tətbiq edilir.