Saç PRP

PRP ilə Saç Müalicəsi

PRP; (Platelet rich plasma) insanın bədənindən az miqdarda qan alındıqdan sonra xüsusi bir proseslə qanın plazmasının ayrılaraq iynə ilə bədənə qaytarılması prosesidir.

Əldə edilən plazma “trombositlər” adlanan hüceyrələrlə çox zəngindir. Bədəndəki əsas vəzifəsi qanın laxtalanmasını təmin etmək olan trombositlər, tərkibindəki böyümə faktorları sayəsində yaraların sağalmasında mühüm rol oynayır.

PRP ilə saç müalicəsi necə aparılır?

Gündə 100-150 tel saç tökülməsi normal sayılır. Bundan çox olarsa, saç tökülməsinə ciddi yanaşmaq lazımdır. PRP saç müalicəsində uğurlu nəticələr verir. Xüsusilə saç tökülməsində xəstələrin çox uğurlu nəticələr əldə etdiyi müəyyən edilmişdir.

PRP proseduru zamanı xəstənin öz qanı götürülür və aparatdan keçirilir. Burada trombosit deyilən kökləri qidalandıracaq və inkişaf etdirəcək hissə ayrılaraq tökülmə olan yerə vurulur. Bu üsul xüsusilə genetik saç tökülmələri olanlar üçün təsirli olur. Saç mezoterapiyası genetik saç tökülməsi olanlar üçün də PRP ilə birlikdə tətbiq oluna bilər.

Saç üçün PRP tətbiqində ilk olaraq xəstənin 10 sm3 venoz qanı alınır (çay stəkanının təxminən 1/10 hissəsi). Santrifüj edilmiş qan ağ və qırmızı qan olaraq iki hissəyə bölünür. Qırmızı qanda ağ qan hüceyrələri, trombositlər, laxtalanma faktorları, PGF (Platelet böyümə faktoru) var.

Qırmızı qan xüsusi müalicəyə məruz qaldıqdan sonra uyutma üsulu ilə nahiyəyə yeridilir. Bu tətbiqin əsasını toxuma bərpası təşkil edir. PRP ilə saç müalicəsi 30 dəqiqədir və prosedur zamanı ağrı olmur. PRP sonrası heç bir iz qalmır və insan dərhal rutin həyatına davam edə bilər.

PRP ilə saç müalicəsi nə qədər vaxt aparır?

PRP ilə saç müalicəsi 15 gündə bir dəfə maksimum 30 dəqiqə tətbiq edilir və adətən 3-4 ay davam edir. Bundan sonra ildə bir dəfə tətbiq etmək kifayətdir. Bu metodun ən mühüm üstünlüyü xüsusi plazmanın xəstənin öz qanından alınması və allergiya riski daşımamasıdır.