Botilinum Toksin nədir? Necə tətbiq olunur?
Tərkibində botilinum toksini olan dərmanlar tətbiq olunan əzələnin fəaliyyətində müvəqqəti iflic yaradaraq fəaliyyət göstərir. Toksin bir növ bakteriya tərəfindən istehsal olunur. Ən məşhur istifadə sahəsi üz qırışlarının azaldılmasıdır və bundan başqa tərləmə müalicəsi, servikal distoniya, həddindən artıq aktiv sidik kisəsi səbəbindən sidik qaçırma və miqren müalicəsində istifadə olunur.
Botilinum Toksin geniş şəkildə öyrənilmiş tibbi estetik müalicə üsullarından biridir və 78 ölkədə kosmetik istifadə üçün təsdiqlənmişdir.
Tərkibində toksin olan və aralarında kiçik molekulyar fərqlər olan Botilinum Toksindən başqa Avropa və Amerikada 3 fərqli adla istifadə olunur: Dysport, Myobloc və Xeomin.
Botilinum toksini təhlükəsizdirmi?
Bəli təhlükəsizdir. Ölkəmizdə Səhiyyə Nazirliyi tərəfindən və dünyanın 70-dən çox ölkəsində təsdiq edilmiş, 2000-dən çox araşdırma ilə təsdiqlənmiş dərman preparatıdır. 20 ildir istifadə olunur və hər il milyonlarla insan bu tətbiqlərə inamla üstünlük verir. Təsdiqlənmiş Botoks ilk dəfə çəpgözlüyün müalicəsində istifadə edilmişdir. Ancaq estetik prosedurlarda istifadə olunmaga başladıqdan sonra əsas istifadə sahəsi dəyişdi. Estetik məqsədli botoks tətbiqləri dünyada ən çox tələb edilən estetik müdaxilələrdən biridir.
Botilinum toksini necə təsir göstərir?
Botulinum toksini tətbiq olunduğu əzələlərdə müvəqqəti hərəkət məhdudiyyəti yaradır. Bütün əzələni deyil, vuruluduğu nöqtənin ətrafında 1-2 sm əzələ toxumasına təsir edir. Üzün mimik əzələlərinə tətbiq edildikdə bu əzələlərin hərəkətini zəiflədir və əzələnin yaratdığı mimik xəttin dərinləşməsinin qarşısını alır. Çünki qırışlarımızın səbəbi lazımsız və ya həddindən artıq etdiyimiz jestlərdir.
Botilinum toksininin təsiri nə qədər davam edir?
Tətbiqdən təxminən 3-4 ay sonra güclü əzələlərdə hərəkət geri dönməyə başlayır. 4 aydan sonra zəif əzələlərin hərəkəti başlayır. 6 aydan sonra təsir tamamilə yox olur. 4-6 ay arasında təkrar etmək faydalıdır. Mütəmadi Botox tətbiqlərində insan əzələlərini çox hərəkət etdirməməyi öyrəndikcə qırışları daha az olacaq. Və mütəmadi tətbiqlərlə bu, daha da uzun çəkəcək.
Botilinum toksinindən sonra üz ifadəsində itki olurmu?
Düzgün tətbiqlərdən sonra ifadə itkisi olmur. Botilinum toksin tətbiqinin məqsədi üzü ifadəsiz etmək deyil, mimikaları yumşaltmaq və üzə təbii və gözəl forma verməkdir. Botilinum toksini düzgün texnika və doza ilə tətbiq edildikdə üzə çox təbii və təravətli görünüş verən bir prosedurdur. Təəssüf ki, təəccüblü baxışlar və ya ifadəsiz görünüşlər tamamilə yanlış prosedurların nəticəsidir.
Botilinum toksini neçə dəfə tətbiq oluna bilər?
Müvafiq dozada, uyğun texnika ilə və müntəzəm olaraq, 3 aydan gec olmayaraq ömür boyu tətbiq edə bilərsiniz.
Botilinum toksininin təsiri keçəndə üz daha da pisləşir?
Yox. Botilinum toksini tətbiq olunduqca, üzdə yeni qırışların əmələ gəlməsinin və qırışların dərinləşməsinin qarşısını alır. Lakin effekt aradan qalxdıqda üz əvvəlki vəziyyətinə qayıdır. Daimi botoks tətbiqi qırışlar baxımından üzün qocalmasının qarşısını alır.
Botulinum toksini vurulduqda mimikalar yox olur?
Xeyr, bu doğru deyil. Doza və tətbiq olunan nahiyə seçimi ilə həm qırışları aradan qaldırmaq, həm də mimikalardan istifadə etmək mümkündür.
Botilinum toksin prosedurlarına davam etməsəm qırışlarım daha da pisləşəcəkmi?
Xeyr, tətbiqi dayandıran kimi qırışlar tədricən müalicədən əvvəlki vəziyyətinə qayıdır.
Botulinum toksin inyeksiyası yerinə kremlərlə eyni səviyyədə qırışları aradan qaldırmaq mümkündürmü?
Xeyr, bu mümkün deyil. Botulinum toksini həkim tərəfindən əzələdaxili yeridilən və dinamik qırışları effektiv şəkildə aradan qaldıran müalicə üsuludur. Kremlər isə dərini qidalandırmaq, nəmləndirmək, günəşdən qorumaq və çox yüngül səthi qırışları aradan qaldırmaq funksiyalarını yerinə yetirir.
