GÖZ QAPAQLARI ƏMƏLİYYATI NƏDİR?

Göz qapağı estetik əməliyyatı göz qapaqlarında boşalma, sallanma və qırışların qarşısını alaraq estetik görünüş yaratmaq üçün edilən əməliyyatdır.

Həm aşağı, həm də yuxarı göz qapaqlarına tətbiq oluna bilər. Bu əməliyyatlar xəstəyə lokal və ya vəziyyətdən asılı olaraq ümumi anesteziya altında bir saatdan üç saata qədər müddətə tətbiq edilir.

Əməliyyat üsulu ilə göz qapağı nahiyəsindəki artıq piy toxumaları, əzələ artıqlığı və dəri təmizlənərək estetik və gənc görünüş əldə edilir.

GÖZ QAPLARI ESTETİK ƏMƏLİYYATI KİMLƏRƏ EDİLİR?

Bu əməliyyatı üçün yaş məhdudiyyəti yoxdur. Təbii ki, 18 yaşından aşağı tətbiq oluna bilməz və 18 yaşından yuxarı hər kəsə göz estetik əməliyyatı edilə bilər. Bunun üçün həkiminizə müraciət etdiyiniz zaman lazımi analizlər edilir və problem yoxdursa göz estetik əməliyyatı edilə bilər.

Gənc xanımlarda göz estetik əməliyyatına daha çox tələbat var. Göz əməliyyatı üçün 20-30 yaş arası qadınlar və eyni yaş qrupundan olan gənc kişilər estetik mütəxəssislərə müraciət edirlər.

GÖZ QAPAQLARI ESTETİK ƏMƏLİYYATI NECƏ EDİLİR?

Göz qapağı estetik əməliyyatı xəstədən xəstəyə dəyişsə də, adətən lokal anesteziya, lazım gəldikdə isə ümumi anesteziya altında aparılır. Hansı növ anesteziya tətbiq olunmasından asılı olmayaraq, əməliyyat zamanı xəstə ağrı hiss etmir.

Əməliyyatda ümumiyyətlə həm alt, həm də üst göz qapaqlarına müdaxilə edilərək tam nəticə əldə edilməsi arzu edilir. Üst qapaq bükülmə xəttindən kəsilir və artıq piy toxumaları, əzələ artıqları və dəri parçaları nahiyədən çıxarılır.

Daha sonra xüsusi hazırlanmış tikişlərlə tikilərək iz qalmasını minumuma endirmək hədəflənir. Piy toxumalarının, dəri və əzələ artıqlarının çıxarılması ilə göz qapağı dartılmış və gənc görünüş alır.

Üst göz qapağına edilən müdaxilədən sonra kirpik nahiyəsindən alt göz qapağında kəsik açılaraq eyni prosedurlar edilir. Əməliyyat müddəti adətən bir ilə üç saat arasındadır. Əməliyyat uğurla başa çatdıqdan sonra göz qapaqları görmə qabiliyyətinə mane olmayan sarğılarla örtülür və xəstə adətən həmin gün evə buraxılır.

DİQQƏT EDİLMƏLİ OLANLAR

Göz qapağı kiçik bir nahiyə olsa da, bu nahiyənin altında yerləşən dəyərli orqan (göz) səbəbindən ciddi mütəxəssislik tələb edən əməliyyatdır. Əməliyyatdan əvvəl və sonra xəstə nələrə diqqət etməlidir:

• Əməliyyatdan əvvəl cərrahınızın verdiyi tövsiyələrə ciddi şəkildə əməl edilməlidir. Bu tövsiyyələr ümumiyyətlə əməliyyatın müvəffəqiyyətli və qalıcı olması baxımından əhəmiyyətlidir.
• Əməliyyatdan sonrakı ilk həftə gözlər ovuşdurulmamalıdır. Tikişlərin çıxarılmasından sonrakı günlərdə çox diqqətlə və zərif şəkildə davranılmalıdır.
• Əməliyyatdan sonrakı on gün ərzində xəstə əməliyyat nahiyəsinə makiyaj tətbiq etməməli və birbaşa günəş işığının təsirindən qorumalıdır. İlk həftə linzalar tövsiyə edilmir.

GÖZ QAPAQLARI ESTETİK ƏMƏLİYYATININ ÜSTÜNLÜKLƏRİ NƏDİR?

Göz qapağı estetik əməliyyatlarının üstünlükləri estetik məqsədlə edilən bir əməliyyat olmasının üstünlükləri və göz qapağı bölgəsi üçün edilən əməliyyatın gətirdiyi üstünlüklər olaraq sadalana bilər.

• Göz qapağı nahiyəsində yaşa və genetikaya görə sallanma, qırışlar kimi problemlər varsa, estetik əməliyyatla bu problemlər aradan qalxır.
• Əməliyyatdan sonrakı dövrdə üzün digər hissələri ilə qarşılaşdırdıqda, göz qapağı estetikası üzdə gənc görünüş yaratmağın açarıdır.
• Göz qapaqlarını gərməklə canlı və dinamik görüntü əldə edilir.
• Uğurlu əməliyyat sayəsində xəstənin psixologiyası daha yaxşılaşır və sosial həyatı daha uğurlu olur.

SAĞALMA PROSESİ

Əməliyyatdan sonrakı dövrdə həkim tərəfindən verilən tövsiyələrə dəqiq şəkildə əməl edilərsə, sağalma prosesi aşağıdakı kimi davam edəcək:

• Xəstə evə buraxılarkən göz qapağı nahiyəsində görməyə maneə törətməyəcək sarğılar var və bu sarğılar mütəmadi olaraq dəyişdirilməlidir.
• Əməliyyatdan sonra göz qapağı və göz nahiyəsində yüngül şişlik və göyərmələrin olması normaldır.
• Birinci həftənin sonunda tikişlər çıxarılır və tikişlər alındıqdan bir həftə sonra şişlik və göyərmələr yox olur.

• Tikişlər ilk həftənin sonunda çıxarılsa da, sarğılar adətən tikişlər götürülməzdən əvvəl çıxarılır.