Üz Gərmə

50 yaşından sonra əksər insanların üzündə digər bilinən prosedurlarla aradan qaldırıla bilməyən sallanmalar əmələ gəlməyə başlayır.

Bu nöqtədə üz gərmənin tətbiq edilməsi vacib olur. Dəridə, xüsusən də çənə və boyun nahiyəsində olan nizamsızlıqlar, qulaqların ətrafında olan qırışlar olduqca narahat edicidir.

Üz gərmə əməliyyatı zamanı nə edirik?

Üz bir bütünlükdür. Bu mənim üçün bir şüar kimidir. Mən heç vaxt tək bir bölgəni dəyərləndirmirəm. Bütün üz nahiyələri bir-birinə uyğun olduqda gözə xoş görünür.

Üz gərmə əməliyyatı zamanı etdiyimiz proseduru sadə şəkildə təsvir etsək; üzümüzün əzələ, piy və sinir toxumasını meydana gətirən Smass adlı toxuma gərilərək üzdəki sallanmalar düzəldilir və sallanma yaradan dəri müəyyən miqdarda xaric edilir.

Eyni zamanda, yuxarı və aşağı göz qapaqlarında yaşlılıq əlamətləri  də düzəldilə bilər. Bu nahiyədən dəri götürülür, yeri dəyişən piylər lazımi yerə daşınır və artıqları çıxarılır.

Bundan əlavə, 60 yaşdan sonra boyun nahiyəsində sallanmalar əmələ gəlir. Yenə üz gərmə əməliyyatı zamanı boyun əzələsi daxili korset taxmış kimi yığıla bilər. Dərinin sallanması uyğun ölçüdə xaric edilə bilər. Artıq çəkisi olan xəstələrdə boyundakı yağları çıxarmaq lazım ola bilər.

Üz gərmə əməliyyatından əvvəl nələrə diqqət olunmalıdır?

Üz gərmə əməliyyatından əvvəl qanaxmanı artıra bilən aspirin, vitamin E kimi dərmanlar və bitki çayı dayandırılmalıdır. Siqaret çəkmək , xüsusən də üz gərmə zamanı yaraların sağalmasını gecikdirir.

Əməliyyatdan 3 həftə əvvəl siqaret dayandırılmalıdır. Saçları əməliyyatdan sonra 1 ay boyamaq mümkün olmadığı üçün 1 həftə əvvəldən boyamaq olar. Saçların uzun olması əməliyyatdan sonra istifadə edilən sarğıların gizlədilməsinə asanlaşdırır.

Üz gərmə əməliyyatının təfərrüatları

Bu əməliyatda kəsiklər saç xətti, qulaq önü xətti və qulaq arxasında gizli qalacaq şəkildə planlanır. Saçın içindən başlayan kəsik,  qulaq önü və qulaq arxası boyunca irəlilədilir.Üzdə sallanmaya səbəb olan üz əzələlərini təşkil edən yumşaq toxuma tikişlərlə gərilir. Dərinin artıq hissəsi çıxarılır.

Beləliklə, alın, yanaq və çənə bölgəsində dərinin sallanması aradan qaldırılır. Ağız ətrafındakı gülüş cizgilərinin qırışları azalır. Əməliyyat ümumi anesteziya altında aparılır. Üz gərdirmə zamanı göz qapağı və boyun gərmə estetik əməliyyatları da edilə bilər. Bu səbəbdən əməliyyatın müddəti 4 ilə 7 saat arasında dəyişə bilər.

Üz gərmə əməliyyatından sonra iz qalırmı?

İstifadə edilən xüsusi tikiş və sarğı materialları ilə yaranacaq çapıqlar minimuma endirilir. Üst və alt hissələr baş dərisi arasında olduğundan çapıq görünmür. Qulaq ətrafındakı çapıq da qulaq-üz qovşağında olduqda çox aydın görünmür.

Aşağıda təsvir olunan hallar (qanaxma, infeksiya, siqaret çəkənlərdə tez-tez görülən dəri tökülməsi) baş verərsə, yaraların sağalması gecikəcək və müalicə tələb edən çapıqlar ola bilər.

Üz gərmə əməliyyatından sonra nələrə diqqət edilməlidir?

Əməliyyatdan bir gün sonra nahiyədə maye yığılmasının qarşısını almaq üçün qulağın arxasına qoyulan drenaj çıxarılır. Əməliyyatdan sonra buz tətbiqi sağalma prosesini sürətləndirir. Xəstə əməliyyatın 2-ci günü evə buraxılır.

Evə buraxılan zamanı taxmaq üçün bir cüt günəş eynəyi istifadə edilə bilər. Üz və göz qapaqlarında olan tikişlər 1 həftəyə götürülür. 10-cu gün saçdakı metal tikişlər çıxarılır. Əməliyyatdan 2 gün sonra vanna qəbul edə bilərsiniz. Təxminən bir neçə həftə ərzində aradan qalxacaq olan üzdə uyuşma hadisəsi normaldır.

Makiyaj edərkən və saçınızı daradığınız zaman çox incə şəkildə istifadə edin. Ən azı iki həftə seks və ağır ev işlərindən uzaq durmalı, bir neçə ay ərzində spirt, buxar hamamı və sauna kimi fəaliyyətlərdən uzaq durmaq lazımdır.

Günəş kremlərindən 6 aya qədər müntəzəm olaraq istifadə edilməlidir. Şişkinlik və göyərmələr 3 həftə ərzində keçməkdədir. Adətən 2-ci həftədə işə qayıtmaq mümkündür.

Üz gərmə əməliyyatının effektivliyini artırmaq üçün başqa nə etmək olar?

Göz ətrafına və alına tətbiq olunacaq botoks ilə baxışlar daha canlı edilə bilər.

Üz dərisi əməliyyatdan 3 həftə sonra başlayacaq 4-6 seanslıq kimyəvi pilinq və üz mezoterapiyası ilə canlandırıla bilər.

Ağız və dodaqları doldurmaqla ağız ətrafındakı qırışları azaltmaq olar.